තම මව 'ප්‍රී එක්ලන්මිසියා' තත්ත්වයෙන් පීඩා විදීම නිසා ඒන්ජල්ට අනික් දරුවන්ට මෙන් මාස දහයක් මවු කුස තුළ වැඩෙන්නට හැකි වුණේ නෑ.රූබිට මාස තුනහමාරක් වැනි ඉතා කෙටි කාලයකින් මෙලොව එළිය දකින්න සිදු වුණා.ඒ 2006 පෙබරවාරි 03වැනි දිනයි.

එතරම් අඩු කාලයකින් මෙලොව එළිය දු‍ටු රූබිට වැඩි කාලයක් ජීවත් වෙන්න වාසනාවක් ලැබෙතැයි කිසිවකුත් සිතුවෙනම් නෑ.ඇගේ උපත් බර අවුන්ස දොලහමාරක් පමණ වුණා.

ශරීර ප්‍රමාණය මවගේ අල්ලේ ප්‍රමාණයට සමාන වූ අතර ඇයගේ අල්ල මවගේ නියපොත්තක් තරම් වුණා.ආහාර ලෙස පැය 4කට වරක් මවු කිරි බිංදු කිහිපයක් ඇයට ලබාදුන් අතර පහළොස් වරක් ඇයට රුධිරය ලබා දී තිබෙනවා.

රූබිගේ හුස්ම ගැනීම පවා වරින් වර නතර වී තිබෙනවා.බ්‍රිතාන්‍ය වෛද්‍යවරුන් ඇයගේ ජීවිතය බේරගන්න නොකළ සටනක් නැහැ.අවසානයේ සියල්ලම මවිතයට පත් කරමින් ඇය ජීවත් වීමට සමත් වුණා.මෙතරම් අඩු මාස ගණනකින් ඉපදී දිවි බේරාගත් එකම සිගිත්තිය වන්නේ රූබියි.මේ වන විට ඇය බ්‍රිතාන්‍යයේ කුඩාම දරුවා ලෙස වාර්තා පොතට එක්වී තිබෙනවා.